Kurti: Vuçiq ka shumë inat dhe vrer, s’i kontribuon qetësimit të situatës
Kryeministri i vendit, Albin Kurti ka mbajtur një konferencë për media në të cilën ndër të tjerash ka folur për situatën në veri të vendit, pas vendimit për reciprocitet.
Lajme
Kurti foli edhe rreth deklaratës së presidentit serb, Aleksandar Vuçiq, i cili tha se Kosova s’e heq masën e reciprocitetit për targat e automjeteve serbe, Serbia do të ndërmarrë masa politike dhe ekonomike ndaj Kosovës.
Kurti tha se deklarimet e tilla të mbushura me vrerë nuk i kontribuojnë aspak qetësimit të situatës aktuale dhe paqes në rajon, transmeton lajmi.net.
“Së pari nuk kam arritur ta ndjek të plotë deklaratën që ka pasë Vuçiq. Besoj që cilësimet e tij për veprimet tona nuk janë të drejta dhe në anën tjetër vërejta që ka shumë inat dhe vrer që nuk i kontribuon deeskalimit të situatës. Nuk e di se për çfarë masash të Serbisë ndaj Kosovës e ka fjalën, por besoj që Kosova dhe Serbia duhet të ndërtojnë marrëdhënie të mira fqinjësore duke u bazuar edhe në interesat e përbashkëta dhe vlerat europiane”./Lajmi.net/