Ai këto komente i ka bërë gjatë një tubimi me qytetarët e Prizrenit, ku bashkë me kandidatët për deputetë të kësaj lëvizje si, Mytaher Haskuka, Artan Abrashi, Nora Arapi, Velizake Thaçi – Celina dhe Levent Kasemi, kanë prezantuar planet e LVV-së gjatë mandatit qeverisës. 

Kurti ka thënë se tatimi progresiv është politikë e duhur për ta përmirësuar mesataren e popullit. 

“Ne besojmë se shteti duhet t’u dalë në ndihmë atyre që më së shumti kanë nevojë e këta janë shtresa e mesme dhe sidomos ajo e varfër, sepse ata nuk shkojnë në shkolla e spitale private sikur milionerët e Kosovës”, ka theksuar ndër të tjera Kurti.