Kurti: Marrëveshja në Bruksel, tinëz Kuvendit të Kosovës
Kryetari i Lëvizjes Vetëvendosje, Albin Kurti, ka thënë se marrëveshja e arritur sot në orët e hershme të mëngjesit në Bruksel mes kryeministrit të Kosovës dhe atij të Serbisë, Isa Mustafa dhe Ivica Daçiq është arritur “tinëz popullit dhe tinëz Kuvendit të Kosovës”.
![](https://lajmi.net/wp-content/uploads/media/image/201502/full/05636200_05644000.jpg)
Lajme
Kurti, këto komente i bëri këto koment gjatë homazheve të bëra në vendin ku u vranë pjesëmarrësit e protestës së 10 shkurtit të vitit 2007, Mon Bala dhe Arben Xheladini.
Ai tha se për këtë marrëveshje, pjesëmarrësit e dialogut në Bruksel nuk patën leje.
“Kemi një marrëveshje të re që bëhet në Bruksel se si të ndahet gjyqësia e Kosovës nga Mustafa e Vuçici midis serbëve e shqiptarëve gjithmonë me një kryetar serb aty”, tha Kurti.
“Ne ende nuk e kemi parë marrëveshjen por edhe nuk kemi se si ta shohim për shkak se edhe bisedimet e zhvilluara në Bruksel edhe marrëveshja atje janë zhvilluar tinëz popullit të Kosovës dhe Kuvendit të Republikës”, u shpreh ai.
Kreu i Vetëvendosjes u shpreh se dialogu në Bruksel “nuk është dialog për normalizim e marrëdhënieve në mes Kosovës e Serbisë por është dialog për sabotimin e shtetësisë së Kosovës”.
“Kosova nuk ka nevojë për pajtim me Serbinë në krye të secilës janë pasardhësit e regjimit fashist të Millosheviqit e Sheshelit, por Kosova ka nevojë për dekolonizim”, u shpreh ai.
———————————————
Anëtarë të lëvizjes Vetëvendosje kanë përkujtuar Mon Balajn dhe Arben Xheladinin me rastin e tetë vjetorit të vrasjes së tyre, në demonstratën e 10 shkurtit 2007, që ishte organizuar kundër negociatave me Serbinë dhe planit të Ahtisaarit.
Me këtë rast lideri i Vetëvendosjes, Albin Kurti ka kujtuar momentin e vrasjes së tyre, duke thënë se Balaj e Xheladini ranë heroikisht.
“Ne jemi mbledhur sot këtu në kujtim të Monit dhe të Arbenit të cilët u vranë nga Policia e UNMIK-ut për të mos u harruar gjaku I tyre, dhe për të mos u harruar emir i tyre”, ka thënë Kurti.
Me këtë rast prezentë ishin edhe kryetari i Prishtinës, Shpend Ahmeti dhe aktivistë të tjerë të VV-së.