Kryeministri Rama, është duke zhvilluar një vizitë dyditore në Stokholm, ku është ftuar të mbajë fjalën kryesore në samitin “Creative Time”.

Të premten, kreu i qeverisë shqiptare takoi Kryeministrin suedez, Stefan Lofven, me të cilin bisedoi mbi marrëdhëniet dypalëshe gjatë një drekë pune të organizuar në selinë e qeverisë së Suedisë.

Kjo vizitë e Ramës në Suedi vjen pas asaj të 10 nëntorit në Beograd, e cila kaloi me tensione të mëdha.

Për dallim nga Beogradi, ku u deshën të angazhohen mijëra forca policore në ruajtje të sigurisë së delegacionit shqiptarë, Rama në Stokholm, ka ecur rrugëve të kryeqytetit suedez i pa shqetësuar si një qytetar i thjeshtë. (lajmi.net)