Kroacia deklason Hungarinë

Kombëtarja e Kroacisë ka shënuar fitore të thellë por edhe shumë të rëndësishme në kualifikimet për Euro 2020.

Sport

10/10/2019 22:34

Finalistët e Kupës së Botës kanë mposhtur 3:0 Hungarinë në shtëpi.

Puna e fituesit në këtë përballje u përcaktua që në pjesën e parë.

Luka Modric në minutën e 5’, kaloi në epërsi 1:0 Kroacinë.

Në minutën e 24’, Bruno Petkovic dyfishoi epërsinë në 2:0.

Ishte pikërisht Bruno Petkovic që vendosi rezultatin përfundimtar, duke shënuar në fund të pjesës së parë për 3:0.

Me këtë fitore, Kroacia numëron 13 pikë dhe renditet në vendin e parë në grupin E./Lajmi.net/