Krasniqi i bën thirrje VV-së ta ndërroj emrin e propozuar: Rikandidimi i të njëjtës figurë përçarëse që ka dështuar dy herë ka për qëllim bllokimin
Kryetari i PDK-së, Memli Krasniqi ka reaguar pasi është ndërprerë seanca konstituive e Kuvendit të Kosovës, pasi që VV ka thënë se nuk i kanë numrat për ta votuar Albulena Haxhiun për kryetare të Kuvendit. Krasniqi përmes një postimi në Facebook, ka thënë se propozimi i saj për herë të tretë ndonëse ka dështuar dy…
Lajme
Kryetari i PDK-së, Memli Krasniqi ka reaguar pasi është ndërprerë seanca konstituive e Kuvendit të Kosovës, pasi që VV ka thënë se nuk i kanë numrat për ta votuar Albulena Haxhiun për kryetare të Kuvendit.
Krasniqi përmes një postimi në Facebook, ka thënë se propozimi i saj për herë të tretë ndonëse ka dështuar dy herë, ka për qëllim bllokimin.
Ai ka thënë se moslejimi për të votuar sot, është shkelje e rregullores së Kuvendit, shkruan lajmi.net.
Një tjetër situatë e paprecedentë, që nuk i ka hije një institucioni si Kuvendi i Kosovës.
Koalicioni VV-Guxo-Alternativa e ka humbur shumicën parlamentare, por po sillen sikur kanë fituar një të drejtë absolute, hyjnore, për të sunduar. Ata nuk po kërkojnë zgjidhje. Po kërkojnë nënshtrim.
Rikandidimi, për herë të tretë, i të njëjtës figurë përçarëse që ka dështuar dy herë, nuk është këmbëngulje. Është akt përçarës – me një qëllim të vetëm: bllokimin.
Madje, sot nuk u lejua as votimi, meqë në mënyrë arbitrare, kryesuesi i seancës e ndërpreu atë, duke e shkelur edhe Rregulloren e Kuvendit.
Koha nuk pret.
Sfidat janë reale.
Jetët e qytetarëve nuk mund të mbeten peng të një loje politike pa fund.
PDK-ja është e qartë:
Mjaft me vonesa.
Mjaft me teatrin e votimeve të dështuara.
Mjaft me arrogancën e pakicës që sillet si shumicë.
Zgjidhja është e thjeshtë:
Ndërrojeni kandidaten.
Ndërrojeni qasjen.
Ndërrojeni logjikën.
Jo për ne. Për Kosovën.
Çdo ditë që kalon, përgjegjësia rritet. Emri i bllokadës është i njohur. Dhe koha nuk fal.
