Krasniqi, ka deklaruar se ende s\’ka ardhur asnjë kërkesë zyrtare për shpërbërjen e Parlamentit. Ai i ka quajtur joserioze deklarimet se Parlamenti do të shpërbëhet brenda javës së ardhshme.

\”Me të thënë të drejtën nuk e kam shikuar shpërbërjen e Kuvendit dhe nuk e kam marrë shumë serioze\”, ka thënë Krasniqi, për gazetën Express.

\”Këto deklarimet s\’besoj se kanë ndonjë bazë reale sa i përket shpërbërjes se Kuvendit\”, ka shtuar ai.

Një ditë më parë, kreu i LDK-së, Isa Mustafa tha se Kuvendi do të shpërbëhet javën e ardhshme pasi të vendosë për Gjykatën Speciale dhe për vazhdimin e mandatit të EULEX-it.

Por, kryeparlamentari Krasniqi këto deklarata nuk i merr seriozisht duke thënë se më shumë po bëhen për efekt medial.

\”Për javën e ardhshme s\’ka asnjë kërkesë zyrtare. Do të thotë vetëm është mediatizuar se sa diçka që zyrtarisht është e iniciuar\”, ka thënë Krasniqi.

Sa i përket votimit të Gjykatës Speciale, Krasniqi ka thënë se ende s\’ka vendosur se a do ta japë apo jo vetëm pro saj.

Sipas tij, do të jetë në dorën e shumicës nëse do të votojnë pro themelimit të Gjykatës që do të merret me krimet e luftës.

\”Nuk jemi përcaktuar ende. Unë vërejtjet e mia i kam dhënë publikisht dhe në takimet e pakta që kam pasur kohëve të fundit. Megjithatë, është shumica ajo që merr vendime\”, ka shtuar ai.