Kosovë – Çeki, fillon shitja e biletave
Federata e Futbollit e Kosovës ka njoftuar opinionin se sot në orët e pasdites do të dalin në shitje biletat e ndeshjes kualifikuese për Euro 2020, Kosovë – Çeki.
Sport
Takimi do të zhvillohet më 7 shtator në orën 15:00, në stadiumin “Fadil Vokrri” në Prishtinë.
Ashtu sikurse deri më tash biletat mund t’i blini nëpërmjet platformës online www.tiks.app.
Çmimet do të jenë sikur në vijim:
Veri dhe Jug – 5 euro
Lindje (pjesët anësore) – 10 euro
Lindje (pjesa qendrore) – 15 euro
Perëndim (pjesa e poshtme) – 15 euro
Perëndim (pjesa afër VIP) – 20 euro
VIP – 80 euro
Kujtojmë që Kosova në kuadër të kualifikimeve për Euro 2020 ka zhvilluar tre ndeshje, duke fituar një dhe duke barazuar dy.
‘Dardanët’ mposhtë Bullgarinë në Sofje, ndërkaqë barazuan 1-1 ndaj Malit të Zi dhe po ashtu ndaj Bullgarisë në Prishtinë. /Lajmi.net/