Ekspedita e Dardaneve ka udhëtuar të dielën në Slloveni, derisa dje përzgjedhësja Afërdita Fazlija në stërvitjen e fundit para kësaj ndeshjeje i ka dhënë instruksionet e duhura futbollisteve për këtë përballje.

Atmosfera në kampin e Dardaneve është shumë e mirë, derisa pas fitores së arritur kundër Turqisë (2:0), optimizmi për rezultat pozitiv në Slloveni është i madh.

Shto faktin se Sllovenia në ndeshjen e parë pësoi humbje minimale nga Rusia.

Rezultati pozitiv në ndeshjen e sotme do t’i rriste gjasat për kualifikimin në Evropian. /Lajmi.net/