Kosova e Jordania shqyrtojnë mundësinë e bashkëpunimit policor

Ministri i Punëve të Brendshme të Kosovës, Skender Hyseni, priti në takim homologun e tij të Jordanisë, Salameh Hammad, me ç’rast shqyrtuan mundësinë e nënshkrimit të një marrëveshje për bashkëpunim policor.

Lajme

06/12/2016 14:19

Hyseni  sipas një komunikate të MPB-së e njoftoi për progresin që është arritur në Kosovë, për punën që po bëjnë institucionet e sigurisë në sundimin e rendit dhe ligjit dhe bashkëpunimit rajonal dhe ndërkombëtarë në luftimin e krimit të organizuar, terrorizmit etj.

Ai vlerësoi bashkëpunimin e mirë të Qeverisë së Kosovës dhe Mbretërisë së Jordanisë, duke vlerësuar se në të ardhmen do të bëhen përpjekje në intensifikim e bashkëpunimit të dyja vendeve, sidomos në shkëmbimin e informatave sa i përket luftëtarëve të huaj.

Ndërsa ministri i Punëve të Brendshme i Mbretërisë se Jordanisë, Salameh Hammad, falënderoi ministrin Hyseni për pritjen dhe shprehi gatishmërinë e Mbretërisë së Jordanisë në ofrimin e bashkëpunimit në mes dy vende. Ai tha se vendi tij do të vazhdojë të përkrah Republikën e Kosovës në nisma ndërkombëtare./ lajmi.net