Corey ‘Thunder’ Law, anëtar i ekipit basketbollistik Harlem Globetrotters, realizoi koshin nga distanca më e largët në histori.

Law, në US Airways Center në Phoenix, arriti të shënojë nga 33 metra e 45 centimetrash largësi, dhe për ta thyer rekordin u desh të zhvendosej jashtë parketit.

Shënimi i pazakontë i solli atij hyrjen në Librin e Rekordeve të Guinnessit, kurse rekordi i kaluar i vendosur në vitin 2011, qëndronte në dy metra më pak.

“Nuk e kam ditur çka të mendoj sepse kurrë më parë nuk kam bërë një tentim të tillë nga distanca. Mu duk pothuajse e pamundur”, deklaroi Law, derisa pranoi çmimin nga një përfaqësuese e Librit të Rekordeve të Guinnessit.