Konfirmohet numri i tifozëve që do jenë në stadiumin ‘Vasil Levski’
Përfaqësuesja e Kosovës do kërkojë fitoren e parë në eliminatoret e Kampionatit Evropian, teksa sot përballet me Bullgarinë në Sofje.
Sport
Ndeshja e cila starton nga ora 20:45, ka zgjuar interesim të madh për ‘Dardanët’, të cilët kanë marrë rrugën drejt kryeqytetit bullgarë dhe do të jenë të pranishëm në shkallët e stadiumit nacional ‘Vasil Levski’.
Raportimet e fundit tregojnë se 600 tifozë të Kosovës do ta mbështesin nga afër skuadrën e Bernard Challandes sonte, shkruan lajmi.net.
Ndërkohë, sipas lajmeve të fundit nga Bullgaria në shkallët e stadiumit pritet të jenë të pranishëm rreh 8 mijë tifozë.
Shifër jashtëzakonisht e ulët, duke marrë parasysh se kapaciteti i stadiumit ka vend për 43 mijë sosh.
Rezultatet e dobëta të kombëtares bullgare kanë ndikuar që interesimi të jetë i ulët, pasi në tre ndeshjet e fundit kanë marrë dy barazime dhe një humbje. /Lajmi.net/