Sipas MAPL-së, e diela ishte dita e fundit kur komunat veriore kanë qenë të obliguara ta dorëzojnë buxhetin e miratuar në bazë të qarkores së MF-së, në të kundërtën merren masa të jashtëzakonshme, duke mos përjashtuar as zgjedhjet e reja.

Duke shpërfillur kërkesën e MAPL-së, komunat veriore kanë porositur Prishtinën, se projektbuxhetet janë miratuar në shtatorin e vitit të kaluar dhe se ato me kohë i janë dorëzuar Prishtinës, duke vlerësuar tutje, se tërheqja e vërejtjes nga Prishtina është tentim për destabilizimin e proceseve politike në Kosovë dhe i dialogut të Brukselit.

“Është e qartë se për këtë buxhet duhet të ketë zgjidhje politike dhe të vendoset në nivelin më të lartë, e pastaj t’i dorëzohet Kuvendit për shqyrtim”, ka thënë Ksenija Bozhoviq, kryesuese e Kuvendit të Mitrovicës. /Zëri/