Sipas njoftimit të komunës, së fundmi nga nxënësit janë paralajmëruar disa organizime private dhe të jashtëligjshme, të cilat nuk janë institucionale andaj edhe nuk e kanë mbështetjen nga Drejtoria e Arsimit.

“Drejtoria e Arsimit në Komunën e Ferizajt, njofton opinionin publik, prindërit, drejtuesit e shkollave, mësimdhënësit si dhe nxënësit, se organizimet jashtë arsimore, të paralajmëruara së fundmi nga disa nxënës, të njohura si “parambrëmje e maturës”, janë organizime të jashtëligjshme, private, pra jo institucionale dhe si të tilla, nuk kanë mbështetjen dhe nuk janë të organizuara nga Drejtoria e Arsimit, as nga mësimdhënësit dhe as drejtuesit e shkollave. Rrjedhimisht, organizimet e tilla, bien në kundërshtim edhe me masat e veçanta të mbrojtjes nga pandemia COVID-19, përkatësisht pikën 24 të vendimit për masat mbrojtëse ndaj COVID-19”, thuhet në njoftimin e komunës, transmeton lajmi.net.

Komuna e Ferizajt i ka bërë të ditur prindërve se organizimet e tilla nuk janë institucionale, andaj institucionet e arsimit nuk bartin përgjegjësi për rrjedhën e këtyre ngjarjeve.

Komuna i ka bërë apel organeve të sigurisë dhe organeve zbatuese të masave anti-Covid, që të ndjekin nga afër dhe të veprojnë konform legjislacionit në fuqi lidhur me këto organizime.

Njoftimi i plotë:

Parambrëmjet e maturës, organizime private dhe të jashtëligjshme

Drejtoria e Arsimit në Komunën e Ferizajt, njofton opinionin publik, prindërit, drejtuesit e shkollave, mësimdhënësit si dhe nxënësit, se organizimet jashtë arsimore, të paralajmëruara së fundmi nga disa nxënës, të njohura si “parambrëmje e maturës”, janë organizime të jashtëligjshme, private, pra jo institucionale dhe si të tilla, nuk kanë mbështetjen dhe nuk janë të organizuara nga Drejtoria e Arsimit, as nga mësimdhënësit dhe as drejtuesit e shkollave. Rrjedhimisht, organizimet e tilla, bien në kundërshtim edhe me masat e veçanta të mbrojtjes nga pandemia COVID-19, përkatësisht pikën 24 të vendimit për masat mbrojtëse ndaj COVID-19.

Pra, njoftojmë prindërit, se organizimet e tilla nuk janë organizime institucionale, rrjedhimisht institucionet lokale të arsimit, nuk bartin përgjegjësinë për rrjedhën e këtyre ngjarjeve. Tashmë, Drejtoria e Arsimit, pas identifikimit të organizatorëve, një grupi të nxënësve, ka njoftuar edhe drejtuesit e shkollave dhe organet shkollore që të bartin këtë mesazh tek nxënësit dhe prindërit.

Apelojmë tek organet e sigurisë dhe organet zbatuese të masave anti-covid, që të ndjekin nga afër dhe të veprojnë konform legjislacionit në fuqi lidhur me këto organizime.