Të Infektuar: 1047

Të Shëruar: 794

Të Vdekur: 30

KOK mbështet vendimin e MSH për fillimin e përgatitjeve të futbollit, kërkon lejim të përgatitjeve edhe për sportet tjera

15:45 | 18 Maj 2020

Ministrja e Kulturës, Rinisë dhe Sportit, Vlora Dumoshi, u ka konfirmuar sot drejtuesve të futbollit vendimin që kanë ndërmarrë institucionet për lejimin e aktiviteteve për vazhdimin e procesit stërvitor klubeve të Superligës.

Në bazë të vendimit që ka lëshuar Ministria e Shëndetësisë, Federata e Futbollit të Kosovës duhet t’i përmbahet udhëzuesit të përkohshëm për aplikimin e masave për parandalimin dhe luftimin e COVID-19 në institucionet publike dhe private.

Ministrja Dumoshi ua sqaroi krerëve të FFK-së se fillimisht lejohet që të startojë me përgatitje dhe gara Superliga e Kosovës, e pas disa javëve ligat e tjera. Ministrja porositi drejtuesit e FFK-së, që në përgjegjësinë e organizimit dhe menaxhimit që kanë për futbollin në Kosovë, të ndërmarrin të gjitha masat që parashihen për pastrimin dhe dezinfektimin e hapësirave ku do të zhvillohen aktivitetet e futbollit.

Komiteti Olimpik i Kosovës mbështet vendimin e institucioneve tona, derisa kërkon që sa më parë t’iu mundësohet edhe sporteve tjera fillimi i përgatitjeve, gjithnjë duke u bazuar në udhëzimet që dalin nga Instituti Kombëtar i Shëndetësisë dhe Ministria e Shëndetësisë.