Klubi anglez tallet keq me Leo Messin
Newcastle United ka gjetur kohë të tallet me pesë herë futbollistin më të mirë në botë, Lionel Messi.
Sport
Argjentina vazhdoi me paraqitjet të dobëta në Kupën e Amerikës, duke barazuar 1-1 ndaj Paraguajit, gol i shënuar nga ylli i Barcelonës i cili tundi rrjetën falë penalltisë që u fitua me ndihmën e VAR-it.
Goli për paraguaianët e shënoi Richard Sanchez me një veprim fantastik, i cili u asistua nga lojtari i Newcastle, Almiron, transmeton lajmi.net.
Pikërisht Almiron është pika kyçe e talljes së klubit anglez me Leo Messin.
Newcastle ka postuar një foto në Facebook me Almiron dhe 31-vjeçarin nga ndeshja e djeshme dhe kanë shkruajtur: ‘’Një gjeni i futbollit dhe Lionel Messi’’.
Almiron është transferimi rekord i Newcastles për 22 milionë euro, ndërsa është pjesë e tyre që nga muaji janar. /Lajmi.net/