Jurgen Klopp ka pranuar se ka mbetur shumë i befasuar, në momentin që ka dëgjuar se Manchester United është i gatshëm ta shesë mesfushorin, Shinji Kagawan.

“Unë isha i befasuar që Kagawa ishte në shitje përsëri. Viti i tij i parë te Manchesteri ishte viti i fundit i Fergusonit, kështu që nuk ishte koha e duhur për zhvillimin e lojtarëve”.

“E vetmja gjë që një skuadër dëshiron në ato momente është rezultati dhe titulli”.

“Viti i dytë i Kagawas te United ishte viti i parë për një trajner të ri, kështu që përsëri luhet vetëm për rezultate”.

“Pastaj vjen menaxheri i tretë, i cili ka një filozofi shumë të sukseshme. Ne e pamë rastin për ta rikthyer Kagawan në skuadër dhe e bëmë menjëherë. Ai ishte fantastik në ndeshjenkundër Freiburgut”, tha Klop për reporterët.