Kjo është përgjigja e Haradinajt për zyrtarët serbë për kosovarët që janë në luftërat e huaja islamike
Kryeministri i Kosovës, Ramush Haradinaj, i është kundërpërgjigjur zyrtarëve serbë në lidhje me deklaratat e tyre për kosovarët në luftërat e huaja në shtet islamike.
Lajme
Kryeministri i Kosovës, Ramush Haradinaj, në konferencën për media pas mbledhjes së Qeverisë, iu është kundërpërgjigjur zyrtarëve serbë të cilët kanë thënë se shumë kosovarë janë në luftërat e huaja islamike.
“Dallimi është se Kosova i ndjek penalisht këta persona që shkojnë në luftërat e huaja. Po ashtu Kosova është krah për krah me vendet tjera për luftimin e terrorizmit. Narrativi se Kosova është në anën e gabuar është absurd dhe nuk mund ta marrë përkrahjen”, ka thënë ai.
Haradinaj në fund ka folur edhe për taksën ndaj Serbisë, ku ka thënë se vendimi në fjalë nuk e rrezikon askënd, dhe se nuk shkakton katastrofë humanitare.
Sipas tij, ndihmat humanitare për cilindo komunitet, nuk janë ndaluar asnjëherë. /Lajmi.net/