Kjo është disiplinë: Tifozët e Eintracht ndaluan vrapin drejt fushës kur e kuptuan që mund të pezullohen
Eintracht Frankurt po shënon një sukses historik duke arritur në gjysmëfinale të Ligës së Evropës për herë të parë pas 39 viteve.
Sport
Skuadra gjermane këtë sukses e ka arritur pas fitores 2:0 në shtëpi ndaj Benficas në ndeshjen e kthimit.
Benfica edhe pse kishte epërsi 4:2 nga ndeshja e parë, është përmbysur nga skuadra gjermane në një atmosferë që në pak stadiume të Evropës sot mund ta gjesh.
Fishkëllima e fundit e gjyqtarit në këtë ndeshje, solli festë të madhe te tifozët vendas, ku një pjesë e tyre mësynë fushën, duke rrëzuar edhe hapësirat reklamuese.
Por, për fatin e mirë të tyre ata shpejt kanë kuptuar se çfarë mund t’i gjejë nëse do të shkelnin në barin e stadiumit.
Një hyrje e tyre në fushë, do të sanksionohej me pezullim të sigurt të tribunave nga UEFA për ndeshjen gjysmëfinale kundër Chelsea.
Euforia për të hyrë në fushë dhe ndalesa e menjëhershme kur kuptojnë se çfarë i pret nëse shkelin rregullat, përbën një disiplinë të pabesueshme të respektimit të këtyre rregullave./Lajmi.net/
Frankfurt fans pulled down a advertising board after going through to semi final in Europa League since 1980 pic.twitter.com/JjDhClenlN
— Farhaan (@Farhaanbwfc) April 18, 2019