Joshua Kimmich ka dhënë disa komente lidhur me Sadio Mane dhe me largimin e Robert Lewandowski nga Bayern Munich.

Ylli i Bayern, Kimmich është i kënaqur me afrimin e Sadio Mane, megjithatë ai nuk pret që senegalezi t’i plotësojë të gjitha hapësirat e polakut.

Numri i golave që shkon deri në 40 apo 50 e që kapej nga Lewa, Kimmich nuk pret të kapet edhe nga Mane.

“Me Lewandowskin humbim shumë gola, duhet ta zëvendësojmë kolektivisht. Sadio është lojtar i madh sigurisht, por nuk mendoj se mund të shënojë 40 apo 50 gola, ai sjell kualitete të tjera”, ka thënë Kimmich, transmeton lajmi.net.

“Mendoj se ai (Mane) është i uritur dhe se dëshiron të fitojë tituj. Ai po bën mirë. Në fillim ishte i qetë, por është i hapur tani. Ai ka gjithmonë diçka për të thënë. Mendoj se do të përshtatet mirë”, shtoi gjermani.

Përveç me Sadio Mane, Bayern Munich ka përforcuar radhët edhe me mbrojtësin holandez, Matthijs De Ligt. /Lajmi.net/