Sot, Entertainment Tonight ka raportuar një surprizë që Kim Kardashian dhe Kanye West kanë përgatitur për të gjithë, pa përjashtuar më të afërmit e tyre.

Sipas ET, çifti nuk do të martohet në Paris, siç na kanë bërë të ditur tash një kohë të gjatë, me përgatitjet e vazhdueshme në qytetin e dashurisë.

Në vend të dasmës, ata do të mbajnë një darkë para-martesore në Paris e më pas, bashkë me të ftuarit do të udhëtojnë me aeroplan privat për në Firencë, Itali. Aty edhe do të mbahet ceremonia martesore, sigurisht.

Dyshja i ka thënë të gjithë miqve dhe familjes gjëra të ndryshme kështuqë asnjeri ende nuk e di planin konkret.

Tanimë është mësuar se çifti i fuqishëm, Jay Z dhe Beyonce kanë vendosur të jenë të pranishëm në dasëm, ku Jay do të jetë edhe shoqëruesi i dhëndrit.