Arsenali do ta transferojë mesfushorin e Real Madridit, Sami Khedira, në ditët e ardhshme, pasi gjermani do të largohet nga Santiago Bernabeu.

Sipas portalit spanjoll “El Confidencial”, 27-vjeçari do të largohet nga Madridi gjatë javës së ardhshme dhe Arsenali është favorit për transferimin e tij. Arsene Ëenger ka intensifikuar përpjekjet për transferimin e mesfushorit gjerman e sidomos pas probleme të reja fizike të Mikel Artetas.

Khedira sigurt do të largohet nga Santiago Bernabeu pasi ka hyrë në vitin e fundit të kontratës së tij dhe trajneri Carlo Ancelotti ka njoftuar se mesfushori ka refuzuar vazhdimin e saj.

Bayern Munich dhe Chelsea po ashtu spekulohet se janë të interesuar për të, por Khedira pritet të përfundojë në Arsenal.