Procesi i numërimit të votave po vazhdon, dhe tashmë janë bërë publike rezultatet sipas 60% të votave të numëruara deri tani.

Sipas të dhënave të fundit, Lumir Abdixhiku, kryetar i Lidhjes Demokratike të Kosovës (LDK) dhe bartës i listës, ka siguruar 87,051 vota, duke e renditur atë si kandidatin më të votuar deri në këtë fazë të procesit.

Kandidatja Doarsa Kica Xhelili po ashtu ka marrë një përkrahje të konsiderueshme nga votuesit, duke siguruar 34,965 vota.

Hykmete Bajrami ka grumbulluar 32,863 vota, ndërsa Kujtim Shala ka siguruar 29,166 vota.

Një paraqitje të fortë kanë bërë edhe Avdullah Hoti dhe Lutfi Haziri, të cilët kanë marrë 23,995 dhe 22,719 vota, respektivisht.

Rezultatet e deritanishme tregojnë një mbështetje të fortë për kandidatët kryesorë të LDK-së, ndërsa pritet që shifrat të ndryshojnë teksa numërimi i votave vazhdon.