Pasi i njohu me qytetin dhe historinë e tij, Sejdini vuri në dukje një nga ndryshimet e rëndësishme për përfaqësimin e gruas 50 % në këshillat bashkiakë.

Organizatorja e këtij takimi, Vetone Veliu, drejtoreshë e Grupit të Grave në Komunën e Mitrovicës, u shpreh se eksperiencat e Bashkisë së Elbasanit kishin bërë që ajo të zgjidhte këtë qytet për të mësuar më shumë. Sipas saj, “Buxhetimi Gjinor”, një projekt i zbatuar nga Bashkia e Elbasanit, është një mundësi shumë e mirë që mund të zbatohet edhe në Komunën e Mitrovicës. Gjithashtu, Veliu tha se përfaqësimi i grave në masën 50% në këshillat bashkiakë do të ishte mirë të zbatohej edhe në Kosovë. /atsh/