Manchester City mund të ketë vështirësi të ndal Lionel Messin të martën mbrëma, por ata pa dyshim se nuk do të kenë problem ta vërejnë atë.

Sulmuesi i frikshëm i Barcelonës do të mbajë një palë këpucë të reja të Adidasit, në ndeshjen e parë të fazës eliminatore të Ligës së Kampionëve në Etihad Stadium.

Nuk bëhet fjalë për këpucë të rëndomta sportive, pasi edhe vetë futbollisti nuk është ‘normal’.

Fotografitë e këpucëve të Messit – që thuhet se peshojnë vetëm 165 gram – janë publikuar në rrjete sociale dhe bien në sy për ngjyrimin e tyre.

Ato kanë një shkëlqim unik, njësoj sikurse edhe futbollisti që do t’i mbajë ato.