Të Infektuar: 3703

Të Shëruar: 1946

Të Vdekur: 79

Katër vjet nga vdekja e legjendës: Me këto meçe kujtojmë Muhammad Aliun

16:34 | 3 Qershor 2020

Muhammad Ali, një nga boksierët më të mirë në histori të këtij sporti, ndërroi jetë katër vjet më parë (3 qershor), në moshën 75 vjeçare.

Ai u lind më 17 janar të vitit 1942 në Louisville, ku si 12 vjeçar filloi të stërvitej në boks.

Në moshën 18 vjeçare, ai fitoi medaljen e artë në Lojërat Olimpike të Romës të vitit 1960, shkruan lajmi.net.

Në vitin 1984, Ali u diagnostikua me sëmundjen e Parkinsonit, ndërsa ndërroi jetë në vitin 2016.

Karriera e tij u shënua nga shumë beteja të mëdha, duke mos u harruar ato kundër Joe Frazier dhe George Foreman, në një epokë që konsiderohet si epoka e artë e këtij sporti.

Këto janë disa nga meçet më të mira të Muhammad Ali:

Vs Sonny Liston (Miami, 1964), një luftë në të cilën ai u bë kampion bote për herë të parë

vs Cleveland Williams (Houston, 1966) – fitore kundër një prej goditësve më të mirë në historinë e boksit

vs Ernie Terrell (Nju Jork, 1967) – Terrell refuzoi ta thërriste emrin e tij të ri, dhe Aliu, ndërsa e goditi, bërtiti: “Cili është emri im?”

vs Joe Frazier (Nju Jork, 1971) – humbje me vendimin e gjyqtarëve nga një rival i madh, të cilit ai më vonë do t’i merrte hak

vs George Foreman (Kinshasa, 1974) – një luftë e njohur si “Rumble in the Jungle”, ku Ali rraskapiti një rival të madh

vs Joe Frazier (Nju Jorik, 1974) -… dhe këtë herë Aliu fitoi me pikë

vs Joe Frazier (Manila, 1975) – Përplasja e fundit, e tretë midis Aliut dhe Frazier i takoi Aliut pas 14 raundeve të pabesueshme. Frazier nuk u la në ring nga ekipi për në raundin e 15-të.

vs Leon Spinks (New Orleans në 1978) – shtatë muaj pasi Spinks e shokoi atë, Aliu përgatiti një meç të madh dhe u bë kampion botëror në moshën 36 vjeçare

vs Trevor Berbick (Nassau, 1981) – për herë të parë në karrierën e tij Aliu pësoi dy humbje radhazi, ku dhe vendosi të pensionohej në moshën 39 vjeçare./Lajmi.net/