Policia e Kosovës ka njoftuar se gjatë 24 orëve të fundit se janë raportuar katër raste të kanosjes ndaj zyrtarëve policor gjatë kryerjes së detyrës zyrtare.

Lidhur me rastet janë arrestuar pesë persona.

Kështu ka bërë të ditur Policia e Kosovës në raportin 24 orësh.

Sipas raportit rastet e ndodhura në Shtime dhe Vushtrri përpos kanosjes zyrtarët policor janë sulmuar edhe fizikisht.

Shtime / 28.11.2024 – 01:14. Dy meshkuj kosovarë (njëri prej tyre zyrtar policor) kanë raportuar se derisa janë sulmuar fizikisht nga katër të dyshuar meshkuj kosovarë. Të lënduarit janë dërguar për trajtim mjekësor. ndërsa të dyshuarit janë në kërkim. Rasti në hetime.

Vushtrri / 28.11.2024 – 17:00. Dy zyrtarë policorë gjatë realizimit të një urdhër arresti ndaj të dyshuarit kosovar kanë pësuar lëndime trupore pasi janë sulmuar fizikisht nga i dyshuari dhe dy familjarë të tij. Tre të dyshuarit janë arrestuar. Zyrtarët policorë kanë pranuar trajtim mjekësor. Njëri prej të dyshuarve pas inicimit të rastit është dërguar në vuajtje të dënimit ndërsa dy të dyshuarit tjerë janë dërguar në mbajtje.

Pizren / 28.11.2024 – 19:00. Është arrestuar i dyshuari kosovar për shkak se i njëjti kishte kanosur dhe ofenduar zyrtarin policor gjatë kryerjes së detyrës zyrtare. I dyshuari me vendim të prokurorit është dërguar në mbajtje.

Rr. Dëshmorët e Kombit, Vushtrri / 28.11.2024 – 04:20. Është arrestuar i dyshuari mashkull kosovar pasi që i njëjti nën ndikim të alkoolit ka ofenduar dhe me një shufër hekuri ka kanosur zyrtarët policorë. Me vendim të prokurorit i dyshuari është dërguar në mbajtje./Lajmi.net/