Kapën mbi 90 kilogramë kokainë në Maltë, kishin destinacion Shqipërinë – Lajmi.net
Kapën mbi 90 kilogramë kokainë në Maltë, kishin destinacion Shqipërinë
Autori: Lajmi.net LajmeRajoni 16:45, 15 April 2019
Tri kontenierë që përmbanin kokainë me vlerë më shumë se 10 milionë euro janë konfiskuar nga Departamenti i Doganave në Freeport të Maltës.

Dy prej këtyre kontenierëve, që vinin nga Amerika e Jugut, do të vazhdonin rrugën drejt Durrësit, ndërsa i treti, edhe ai me të njëjtën origjinë, do të shkonte në Selanik.

Operacioni ka qenë rrjedhojë e bashkëpunimit mes Departamentit të Doganave në Maltë, Policisë dhe Autoritetit Portual, shkruan Top-Channel.

“Një njësi monitoruese e doganave kishte piketuar disa kontenierë për skanim, – thuhet në faqen e Doganave të Maltës në Facebook, – e pas verifimit u vunë re parregullsi në 3 prej tyre”.

Kontrollet e mëtejshme nxorën në pah sasinë e narkotikëve të fshehur në sistemin e ftohjes. Sasia e drogës së gjetur mbërrinte në total në 91.2 kg. Prokuroria vendase ka nisur menjëherë hetimet, e ndihmuar edhe nga ekspertë të policisë.

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO