Kampionati ‘Rusia 2018’ hapet nga Robbie Williams

Sot do të nis Kampionati Botëror 'Russia 2018' dhe kënga zyrtare është 'Live it up' nga Will Smith, Nicky Jam dhe Era Istrefi.

ShowBiz

14/06/2018 11:33

Klan Kosova sot kanë raportuar se Era do ta bëjë zyrtarisht hapjen e Kampionatit, shkruan lajmi.net

E mediat britanike thonin se është ende e paqartë nëse treshja do të përformojë në fillim të hapjes së kampionatit, apo në përfundim. Sido qoftë kënga zyrtare do të jetë pjesë e ‘Russia 2018’, ashtu siç ka ndodhë edhe kampionateve të tjera me këngët paraprake.

”Himni zyrtar i Kupës së Botës “Live It Up” është regjistruar nga Will Smith, Nicky Jam dhe Era Istrefi. Por është ende e paqartë nëse treshja do të jetë në Rusi për të performuar këngën e tyre, edhe pse rruga e turneut tradicionalisht këndohet në ceremoninë e hapjes ose të mbylljes” shkruan gazeta britanike ‘Standard’.

Mirëpo lajmi.net e ka konfirmuar zyrtarisht këtë, dhe nëna e këngëtares Era Istrefi ka thënë se vajza e saj sonte nuk do të jetë atje.Era Istrefi do të performojë në natën finale të Kampionatit.

”Era ka me qene ne finalen e Kampionatit, ka me performu ‘live’, ka thënë Syzana Tahirsylaj për lajmi.net

Ndryshe pjesë e hapjes së Botërorit do të jetë këngëtari Robbie Williams,i cili ndihet i priviligjuar dhe se për ta bërë këtë para një numri të madh të njerëzve dhe sidomos në Kampionat ka qenë ëndrra e tij që nga fëmijëria.

”Jam shumë i lumtur dhe i gëzuar që po kthehem në Rusi për një performancë të tillë, unike. Kam bërë shumë në karrierën time dhe hapja e Kupës Botës para 80,000 tifozëve të futbollit në stadium dhe shumë miliona në të gjithë botën është një ëndërr fëmijërie”, është shprehur Williams për mediat e huaja.

Robbie do të shoqërohet nga Aida Garifullina, soprano ruse e cila fitoi konkursin 2013 të Operalia.

Sot në orën 17:00 do të zhvillohet ndeshja e parë në mes të Rusisë dhe Arabisë Saudite. /Lajmi.net/

YouTube player