Piloti britanik ka fituar deri më tani 5 gara, duke qenë lider i padiskutueshëm.

“Unë jam një pilot që bëj pak gabime. Edhe të tjerët po ashtu. Në shumë pista është e vështirë të parakalohet, ndaj garat bëhen të mërzitshme për ne që jemi në pistë dhe për tifozët që e shohin nga ekrani. Unë shpresoj që në garat e tjera të duelojmë me shumë me Bottas e Verstappen”, tha Hamilton.

“Shpresoj që tifozët ta kuptojnë se nuk është faji ynë, as i makinave. Duhen ndryshuar shumë gjëra në këtë sport që të ketë më shumë rivalitet në pistë. Shpresoj që nga viti 2022 ky sport të jetë më tërheqës dhe të shohim gara me rivalitet më të madh”, ka shtuar britaniku. /Lajmi.net/