Kamberi largohet nga grumbullimi me Shqipërinë, debutimin shtyhet për vitin tjetër
Ishte risia e Kombëtares Shqiptare për dy ndeshjet e fundit eliminatore të Euro 2020-ës, por Florian Kamberi do të duhet të presë vitin e ardhshëm për të debutuar në fushë me fanellën kuqezi mbi supe.
Sport
Kjo pasi sulmuesi vinte me një dëmtim në kavilje, që iu shtua edh fakti që nuk arriti të marrë në kohë dokumentet e nevojshme dhe miratimin nga FIFA të lejes për të luajtur me Shqipërinë, ndaj edhe u largua nga grumbullimi.
Kjo dëshmohet qartë nga një foto e tij në Instagram, ku shfaqet në qytetin zviceran të Zyrihut, nën shoqërinë e miqve të tij, ndërsa largimi mendohet se ka ardhur pasi u kuptua se nuk do të mund të luante dot as në ndeshjen kundër Francës.
Edhe vetë zyrtarët e FSHF-së, në një komunikim për mediat pranuan se Kamberi u largua nga grumbullimi për shkak të një dëmtimi në kavilje, që pamundësonte aktivizimin e tij ndaj Francës.