Kafe, çaj e lojë shahu, çajtoret lokale në trend në Prishtinë
Jo vetëm qyteti i Vushtrrisë karakterizohet me numër të madh të çajtoreve.
Lajme
Edhe në Prishtinë, në pjesë të ndryshme të qytetit, kanë zënë vend lokalet ku shërbehet çaji i rusit.
Çajtoret e tilla kanë arritur t’i mbijetojnë modernizimit në kryeqytet.
Ermin Sylejmani nga Prishtina nuk e rinovoi asnjëherë çajtoren e tij.
Enterieri i këtij lokali nuk është tërheqës për kohën e sotme, por interesimi për të pirë çaj e qëndruar aty nuk mungon as sot e kësaj dite.
Sylejmani që është pronar i këtij biznesi, nuk e ka problem që të shërbej vet çaj për klientët e tij.
Video:
Pak minuta të kaluara në këto lokale çaji të zhvendosin mendjen për luksit të bareve të Prishtinës dhe muzikës së huaj që lëshohet atje.
Loja e shahut dhe bisedat mes pensionistëve është çdoherë pjesë e atmosferë.
Një karakteristikë të veçantë e ka Fehmi Haxhiu. Ai vije çdo ditë nga Mitrovica në këtë çajtore në Prishtinë.
Ani pse nganjëherë e ka vështirë të sigurojë transport, ai medoemos gjen mënyrë t’i takoi miqtë e tij në vendin e njëjtë.
Në muret që i mbijetuan periudhës së egër moderne rrinë të varura fotografi bardh e zi.
Historinë e këtyre fotografive e tregon personi që e ka vet një të tillë të ngjitur në mur.
Shpesh kur debaton me shokët për politikën, Faik Duriqi thotë se po kanë mospajtime, andaj e kanë lënë krejt këtë temë.
Këto çajtore në Prishtinë rrallë herë të rastis t’i shohësh pa klientë.
Disa për traditë, e disa për arsye tjera e kanë shumë në qejf çajin, të cilin gjithmonë e shoqërojnë edhe me aktivitete tjera.