Juventus në çerekfinale
Juventus pa problem fitoi kundër Avellinos 3:0 dhe u kualifikua për në çerekfinale në Coppa Italia. Bianconerët në asnjë moment nuk ishin të rrezikuar nga kundërshtari, skuadër nga Serie B dhe me një formacion krejtësisht të ndryshuar nga trajneri Antonio Conte – që i pushoi futbollistët kryesorë – siguruan kalimin tutje. Në fakt, gjithçka u…
Sport
Juventus pa problem fitoi kundër Avellinos 3:0 dhe u kualifikua për në çerekfinale në Coppa Italia.
Bianconerët në asnjë moment nuk ishin të rrezikuar nga kundërshtari, skuadër nga Serie B dhe me një formacion krejtësisht të ndryshuar nga trajneri Antonio Conte – që i pushoi futbollistët kryesorë – siguruan kalimin tutje.
Në fakt, gjithçka u vendos gjatë pjesës së parë. Sebastian Giovinco realizoi një gol të bukur pas shtatë minutash lojë, kurse avantazhin e Juventusit e dyfishoi mbrojtësi Martin Caceres në minutën e 16’të.
Fabio Quagliarella realizoi me kokë pas asistimit nga Giovinco atë që ishte gol i konfirmimit të fitores së thellë të vendasve, kualifikimit tutje, por edhe në fund, rezultatit përfundimtar të ndeshjes.
Përveç kualifikimit, një lajm i mirë për Juventusin nga kjo ndeshje ishte rikthimi nga lëndimi i mesfushorit Simone Pepe. Në fazën tjetër, Bianconerët do të ndeshen me fituesin e përballjes Roma-Sampdoria.