Të Infektuar: 17.009

Të Shëruar: 14.716

Të Vdekur: 656

Johnson: Vala e dytë e koronavirusit e pashmangshme në Britani

9:36 | 19 Shtator 2020

Kryeministri britanik, Boris Johnson, tha se qeveria mund të zbatojë masa të reja kufizuese pasi Mbretëria e Bashkuar do të përballet me një valë të dytë “të pashmangshme” të COVID-19.

Autoritetet britanike raportuan të premten se kabineti qeveritar po e shqyrtonte mundësinë e një bllokimi të dytë mbarëkombëtar duke marrë parasysh rritjen e rasteve të reja, shkruan Reuters.

Sipas kryeministrit kjo rritje e rasteve erdhi si pasojë e valës së dytë e cila ishte pandalshme.

“Ne po e shohim një valë të dytë, e cila kam frikë se do të jetë e pashmangshme”, u shpreh Johnson.

I pyetur nëse vendi duhej të përgatitej për një bllokim të ri mbarëkombëtar ai u përgjigj se nuk e dëshiron një gjë të tillë.