Kërstiq ka thënë se ai mendon që ndryshimet ekonomike në Serbi duhet të implementohen në tërësi dhe pa ndonjë vonesë. Sipas këtij ekonomisti të shquar, i cili ka kryer shkollimin në SHBA, Serbisë i nevojiten reforma të shpejta për konsolidimin dhe zhvillimin ekonomik.

Por, siç ka thënë Kërstiq, kryeministri Vuçiq e ka “zemrën e butë, që është edhe arsyeja pse ai e ka përkrahjen e popullit”.

REL transmeton se Kërstiq gjithashtu ka thënë se për zbatimin e masave të kursimit në Serbi, është e nevojshme shkurtimi i 160 mijë vendeve të punës në sektorin publik gjatë dy vjetëve të ardhshme, ndërsa rrogat dhe pensionet duhet të zvogëlohen për 20 për qind.