Prishtina Weather, bënë të ditur se ditëve të para të shkurtit parashikohet të mbajë mot jostabil, kryesisht me vransira dhe kohëpaskohe me të reshura shiu e gjatë mbrëmjes së ditës së hënë edhe të reshura bore.

“Ditën e martë do të mbajë mot pjesërisht i vranët. Edhe nesër parashikohet të ketë erëra pak më të theksuara kryesisht nga jugperëndimi. Erëra më shumë do të fryejnë edhe ditën e mërkurë dhe të enjte me hove deri në 17m/s (70km/h)”.

“Në aspektin termik, temperaturat deri të marten pritet të zbresin nga +7C në +4C, maksimalet, e minimale pritet të zbresin deri në -4C ditën e martë. Nga e mërkura sërish do të jenë në ngritje me maksimale deri në +7C, e minimalet do të ngriten mbi 0C”, bëhet e ditur në parashikimin e motit nga Prishtina Weather. (lajmi.net)