Jashtë Champions League – Arsenal mbetet prapa në garën për Osimhen
Dështimi për t’u kualifikuar në Champions League mund ta lë prapa skuadrën e Arsenal edhe në merkato.
Sport
Arsenal po përgatitej për të bërë disa lëvizje te mëdha në merkaton e verës, por gabimet e fundit në Premier League e larguan nga top katërshja dhe gjasat tashmë janë minimale për një kualifikim në Champions League.
Mungesa në kompeticionin e rëndësishëm mund të pengojë disa lëvizje. Një nga to është ajo për Victor Osimhen.
Raportime nga Italia bëjnë të ditur se sulmuesi i Napoli do ta refuzojë Arsenalin, pasi preferon të luajë në Champions League.
Thuhet se edhe situata për Gabriel Jesus mund të qëndrojë më ndryshe, pas rezultateve të fundit. /Lajmi.net/