Familja Mavraj nga fshati Saradran i Istogut teksa po hapnin varrin e një familjari të tyre kanë hasur në disa mbetje mortore nga lufta e fundit në Kosovë. menjëherë pasi është lajmëruar për këtë ngjarje, Policia e Kosovës ka bërë sigurimin e këtij lokacioni.

Ndërkaq, policia e EULEX-it, ka marrë mbetjet mortore dhe i ka dërguar për ekzaminim në Prishtinë.

Ndërsa në vitin 2000 po në këtë fshat ishin gjetur trupat e 18 civilëve shqiptarë të ekzekutuar dhe të varrosur nga forcat serbe gjatë luftës së fundit në Kosovë, në lokacionin e varrezave të fshatit Saradran, raporton RTK.