“Përgëzoj kryeministrin e Kosovës dhe atë të Serbisë për arritjen e marrëveshjes mbi drejtësinë”, ka shkruar në profilin e saj në Tëitter, ambasadorja Jacobson, duke shpresuar që së shpejti të arrihet edhe zbatimi i plotë i kësaj marrëveshjeje.     

Kryeministri i Kosovës, Isa Mustafa dhe ai i Serbisë, Aleksandar Vuçiq, mbrëmë në orët e vona të natës kanë arritur marrëveshje për drejtësinë në bisedimet e ndërmjetësuara nga përfaqësuesja e lartë për politikë të jashtme dhe siguri të Bashkimit Evropian, Federica Mogherini.

Marrëveshja u arrit pas më shumë se katër orë bisedimesh, por nuk janë dhënë detaje të tjera të kësaj marrëveshje.