Ata që e përdhosën bustin e Skënderbeut në Kaçanik janë anëtarë të shoqatës “Rinia Islam- Kaçanik”, një shoqatë e dalë nga shoqata tjetër “Parimi”, e që për drejtor (emir në organizimin e tyre) e ka xhihadistin Lavdrim Muhaxheri e për zëvendës-emri Ilir Berishën, i arrestuar javën që shkoi për terrorizëm.

Arben Berisha e Jeton Vërbani i nga Kaçaniku mund të bëhen të famshëm dhe atë me vetëm një video në youtube. Arbeni është personazhi tashmë i famshëm që e godet bustin e Skënderbeut në Kaçanik, kurse jetoni “kameramani” i tij.

Ata sot i ka shoqëruar Policia e Kosovës, institucion ky që për Express e ka konfirmuar nisjen e hetimeve në këtë rast.

Express ka mësuar se të dy, Arben Berisha e Jeton Vërbani i takojnë shoqatës “Rinia Islam- Kaçanik”,e që për drejtor (emir në organizimin e tyre) e ka xhihadistin Lavdrim Muhaxheri e për zëvendës-emri Ilir Berishën, i arrestuar javën që shkoi për terrorizëm, bashkë dhe me tre persona të tjerë.

Javës që shkoi atje u zhvillua një aksion policor për kapjen e të dyshuarve për terrorizëm- dhe rezultoi me arrestimin e dy personave nga Kaçaniku, e dy nga Hani i Lezit, të dyja qyteza nën ndikimin e hoxhallarëve ekstremist të Maqedonisë.

Dy personat që sot janë shoqëruar nga policia për përdhosjen e bustit të Skënderbeut, sikurse personat që javën që shkoi u arrestuan për terrorizëm, janë njerëz që janë parë shpesh në aktivitete e Bashkësisë Islame të Kosovës (BIK), dega në Kaçanik që drejtohet nga Florim Neziraj.

Gazeta Express ka publikuar fakte që e lidhin fort BIK’un, që drejtohet nga Naim Tërnava, me organizata të dyshimta. Gazeta ka shkruar për ndërtimin e xhamive të BIK’ut nga “Al-Ëaqfu El-Islami”, një organizatë që e ka financuar në të kaluarën organizatën terroriste Al-Kaida.