Si raporton Radio Evropa e Lirë, me këtë rast janë gjetur trupat e pajetë të 10 vetëve që ishin fundosur me barkat e tyre të vogla.

Zyrtari i Marinës italiane, Salvatore Scimone tha se 30 imigrantë ishin të bllokuar në një barkë të përmbysur, derisa arritën ekipet e shpëtimit dhe i nxorën ata të gjallë.

Scimone tha se ka shqetësime se edhe persona të tjerë të zhdukur janë fundosur në det, në lagësi prej 40 milash në veri të Libisë.

Në një rast tjetër të shpëtimit, tri anije italiane i morën në bord 281 imigrantë, të cilët thonin se janë sirianë dhe se anija e tyre e peshkimit kishte pasur probleme. Ata janë dërguar në tokën italiane.

Dhjetëra mijëra imigrantë synojnë të hyjnë ilegalisht në Evropë çdo vit, duke e kaluar Mesdheun me anije të dobëta kontrabanduese.