Nëse deri më tani e kemi ëndërruar kualifikimin e Shqipërisë për në Kampionatin botëror 2014, atëherë duhet ta pranojmë se një gjë e tillë është shumë e vështirë e realizueshme.

Kjo pasi skuadra jonë Kombëtare humbi nga Islanda me rezultat 2-1 dhe zbriti në pozitën e pestë në Grupin E.

Të përzgjedhurit e Giannit De Biasi kanë zhvilluar njërën ndër ndeshjet më të dobëta në cikël të garave dhe pësuan disfatë e cila me gjasë ua shuan shpresat për sigurimin e ‘play-offit’.

Pavarësisht lojës së dobët, Shqipëria ishte e para që pas vetëm 9-të minutave lojë kaloj në epërsi me një gol të bukur të Valdet Ramës.

Gëzimi i ekipit shqiptar nuk zgjati më shumë se katër minuta pasi skuadra vendëse përmes Birkir Bjarnason barazoi rezultatin në 1-1, me të cilin u mbyll pjesa e parë.

Kuqezinjtë e kanë nisur mjaft keq fraksionin e dytë të lojës, pasi nikoqirët pas vetëm dy minutave lojës shënuan golin e avantazhit me anë të Kolbeinn Sigthorson (47).

Edhe pas golit të pësuar, ekipi shqiptar assesi nuk ia doli që të gjej lojën e tyre te mirë, në mënyrë që të vjen deri të goli i barazimit.

Kuqezinjtë tani kanë 10 pikë, dhe gjenden në pozitën e parafundit në Grupin E ku kryeson Zvicra me 18, që përcillet nga Islanda me 13 dhe Sllovenia me 12.

Grupi E

Norvegjia-Zvicra         0:2

Qipro-Sllovenia           0:2

Islanda-Shqipëria        2:1

Tabela

Zvicra         18 pikë

Islanda       13

Sllovenia    12

Norvegjia   11

Shqipëria    10

Qipro           4