Ish-mbrojtësi i Man Utd godet PSG-në: Pogba nuk duhet të luajë në Francë pasi liga është e dobët

Sport

21/01/2022 20:02

Spekulimet vazhdojnë për të ardhmen e Paul Pogbas, ndërsa ai shkon drejt agjencisë së lirë në Manchester United, me Juventus dhe Paris Saint-Germain që thuhet se po monitorojnë nga afër situatën e mesfushorit.

Ish-mbrojtësi i ‘Djajve të Kuq’, Mikael Silvestre – duke folur në bashkëpunim me Slingo Casino – ka thënë për ‘Goal’ kur u pyet se ku mund të përfundonte francezi: “Klubet më të mira janë ende një opsion.

“Një Paul Pogba në formë të plotë dhe plot vetëbesim është një lojtar i klasit botëror. Ne pamë që në fillim të sezonit me asistimet, e dimë se ai mund të prodhojë futboll të mrekullueshëm. Ato skuadra do të shpresojnë që të mund të marrin një Paul Pogba konsistent.”

Për PSG-në konkretisht, Silvestre shtoi: “Unë e dua Francën dhe e dua atë si pikënisje, por le të jemi realistë, është liga e pestë nga pesë më të mirat në Evropë. Jashtë PSG-së, skuadrat e tjera po luftojnë për të konkurruar. Nuk mendoj se Pogba do ta kishte prioritet këtë.

“Por nëse ideja është të fitojë Ligën e Kampionëve dhe t’i bashkohet Neymarit dhe Messit dhe të ketë një përpjekje për disa vite për ta bërë këtë, atëherë mund të jetë një opsion. Në nivel lige, nuk është vendi ku duhet të jetë zgjedhja e parë”, ka theksuar ish-mbrojtësi i “Djajve”. /Lajmi.net/