Deputeti i LDK-së, Arben Gashi ka konfirmuar se kjo parti ka vendosur që ta ketë kandidatin e saj për kryeministër, duke i hedhur poshtë zërat brenda AAK-së se për këtë ende nuk është vendosur brenda Bllokut.

“Kryesia e LDK-së ka vendosur që kandidati për kryeministër të jetë nga partia jonë”, ka thënë ai.

Ndërsa i pyetur se a e kanë pajtimin e AAK-së për këtë, Gashi ka thënë se “besoj se ka qëndrim pozitiv”.

“Duhet të shkojmë në Kuvend, sepse ajo determinon edhe formimin e Qeverisë apo shkuarjen në zgjedhje”, ka thënë Gashi në emisionin “Debat” të RTK-së.

I pyetur se kush do të jetë kandidat për kryeministër i bllokut LVAN, Gashi tha se qëndrimi i LDK-së është që të jetë nga partia e tij.