Trajneri i Interit, Walter Mazzarri është i pakënaqur me paraqitjet e përforcimit të ri, Nemanja Vidic, dhe konsideron mundësinë e shitjes së qendërmbrojtësit serb, menjëherë gjatë afatit kalimtar të janarit.

Sipas “Sportmediaset.it”, ish futbollisti i Manchester Unitedit nuk ka bindur me paraqitjet e deritashme tek Nerazzurrët dhe aventura e tij në Giuseppe Meazza mund të përfundojë në janar.

Në vend të tij, Inter është duke tentuar të sjellë rikthimin e Rolandos nga Porto, futbollist i pëlqyer nga Mazzarri. Kurse, Mazzarri pëlqen edhe anëtarin e Tottenhamit, Vlad Chiriches i cili nuk është duke gjetur hapësirë të mjaftueshme për lojë në White Hart Lane.