Imami Krasniqi dyshohet se ka shpëlarë qindra-mijëra euro

20:58 | 18 Shtator 2014

Imami i Xhamisë së Madhe në Prishtinë, Shefqet Krasniqi dyshohet se ka shpëlarë qindra-mijëra euro. 

Shefqet Krasniqi, sipas fletarrestimit, thuhet të ketë pranuar fonde nga organizata të ndryshme, në mesin e tyre edhe nga Al Haramain, organizatë e lidhur me Al-Qaedan, raporton KTV.

Një pjesë e madhe e fondeve që ka pranuar Krasniqi kanë përfunduar në llogarinë e NTP “Portat”, biznes i regjistruar në emër të imamit Krasniqi.

Pika tjetër për çka dyshohet Krasniqi është edhe nxitja e urrejtjes, më saktë, nxitja e të rinjve për t’iu bashkëngjitur organizatës terroriste ISIS, derisa avokati i tij, Bajram Tmava mohon veprat për të cilat dyshohet klienti i tij, raporton KTV.