Igli Tare afron edhe një kosovar te Lazio
Drejtori sportiv i Lazios, Igli Tare, ka bërë edhe një afrim të rëndësishëm te Lazio.
Sport
Ekipi italian ka arritur marrëveshje me talentin Florent Shehun.
Ylli kosovar ishte kërkuar nga shumë skuadra të njohura, por ndikimi i Tares ishte jetik për zgjedhjen e tij, shkruan lajmi.net.
17-vjeçari ka lindur në Francë, ka pasaportë zvicerane, por është me origjinë nga Kosova.
“Jam shumë krenar dhe i lumtur që kam nënshkruar një kontratë profesioniste 3-vjeçare me Lazion. Falënderoj klubin dhe drejtorin Igli Tare për besimin”, ka shkruar ai në Twitter.
Shehu ka luajtur për moshat e Levantes në Spanjë, ndërsa përfaqëson ekipin e Zvicrës U-17. /Lajmi.net/