IFFHS e le Salah jashtë formacionit më të mirë për vitin 2021

17:18 | 7 Dhjetor 2021

Vendimi për t’i dhënë Lionel Messit Topin e Artë ishte i diskutueshëm.

Duket sikur pothuajse të gjithë në futboll kishin një mendim për të dhe dukej se shumica nuk ishin dakord me vendimin, transmeton lajmi.net.

Shumë besuan se vendi i dytë, Robert Lewandowski, e meritonte çmimin. Në fund të fundit, sulmuesit polak iu hoq çmimi i vitit 2020 pasi u anulua për shkak të koronavirusit.

Ndërsa Topi i Artë nuk arriti të shpërblente sulmuesin e Bayern Munichut, një tjetër dhurues i çmimit e bëri. IFFHS e emëroi Lewan si lojtarin më të mirë në botë për meshkuj në vitin 2021.

Dhe tani, kompania prestigjioze e historisë dhe statistikave ka emëruar formacionin më të mirë të vitit.

Natyrisht, aty përpos Lewandowskit, ndodhet dhe Lionel Messi. Por kjo nuk do të thotë se të gjithë do të pajtohen me të.

Ndoshta përjashtimi më i madh është i Liverpool-it, Mohamed Salah. Egjiptiani konsiderohet aktualisht si lojtari më i mirë në botë për momentin dhe mbeti i zemëruar kur përfundoi vetëm i shtati në renditjen për Topin e Artë.

Por me një treshe të parë të Kylian Mbappe, Cristiano Ronaldo dhe Lewandowski me Messin që luan në mesfushë, nuk ka vend për Salah.

Kevin De Bruyne dhe Jorginho i bashkohen Messit në mesfushë.

Katërshja e pasme përbëhet nga Alphonso Davies, Ruben Dias, Leonardo Bonucci dhe Achraf Hakimi. Gianluigi Donnarumma është në portë.

Salah mund të mos përfshihet në 11-të e Botës së IFFHS, por forma e tij e jashtëzakonshme – 19 gola në 20 paraqitje në të gjitha garat këtë sezon – e ka parë atë të lidhur me një lëvizje te Barcelona./Lajmi.net/