Ata gjithashtu janë angazhuar që autorët e këtyre viktimave patjetër të ndiqen nga  drejtësia.

Kryetari i ICRC-së, Peter Maurer, duke folur me rastin e Ditës ndërkombëtare për të zhdukurit, ka takuar përfaqësuesit e medieve botërore.

Krahas zhvillimeve në Siri, Afganistan dhe Ukrainë, të zhdukurit shqiptarë në Kosovë  ishin në epiqendër të debatit gjatë kësaj konference shtypi me zyrtarët e lartë të ICRC-së.

“Pas 14 vjet lufte në Kosovë, jemi dëshmitar se në rajon është bërë progres në të gjitha sferat, po jo edhe në ndriçimin e rasteve të të zhdukurve. Familjarët sot e kësaj dite ende kërkojnë mbi 1,700 të zhdukur. Duhet ditur se përgjegjësia për gjetjen apo informacionet e të zhdukurve në Kosovë qëndron tek autoritet në Beograd, por edhe në Prishtinë”, ka thënë Maurer.