Icardi te Juventus? Wanda Nara zbulon gjithçka

Agjentja dhe gruaja e Mauro Icardi, Wanda Nara nuk e di nëse lojtari i huazuar te Paris Saint-Germain do të mbetet në kryeqytetin francez apo do të kthehet në klubin mëmë Inter, në mesin e spekulimeve me Juventusin.

Sport

20/02/2020 08:24

Icardi është në huazim te kampionët e Ligue 1 PSG, të cilët kanë mundësinë ta bëjnë marrëveshjen të përhershme për një tarifë rreth 70 milionë euro në fund të sezonit.

Argjentinasi ishte i padëshiruar nga Interi i Antonio Conte dhe lëvizja e tij në PSG ka sjellur fryte, pasi ai ka shënuar 19 gola në të gjitha garat, transmeton lajmi.net.

Ai ishte zëvendësues i papërdorur në humbjen e ekipit të tij ndaj Borussia Dortmund, të martën.

“A do të shkojë Mauro te Juventus? Unë vërtet nuk e di”, i tha Nara revistës Chi.

“Nuk e di nëse sezonin e ardhshëm do të kthehemi në Milano apo Paris. Në futboll nuk i dihet kurrë”.

“Ai do të zgjedhë dhe ne do ta ndjekim atë. Është e vështirë për ju të argumentoni sepse unë e njoh shumë mirë Mauro dhe unë e di saktësisht se çfarë dëshiron ai si futbollist dhe çfarë e bën atë të ndjehet mirë si njeri”.

“Unë do ta ndjek atë në zgjedhjet e tij si grua dhe si agjentin e tij për siguri shtesë”. /Lajmi.net/